Thamizh Comics King

கிரெமில்லட் சகோதரிகள் தொகுதி 1 : சாரா'வின் கனவு. மூன்று உடன் பிறந்தவர்கள் (சகோதரிகள்) பற்றிய கதை இது.  மூத்தவள் சாரா , இவளுக்கு ஒரே கனவு தினம் ,தினம் சிறு, சிறு மாற்றங்களுடன் வருகிறது. அது என்ன கனவு என்றால்? ஒரு பெரிய காடு, அதில் இவள் உட்பட மூன்று சகோதரிகளும் தண்ணீருக்கு அடியில் மிதப்பது போல்  மிதந்து பயணம் செய்வார்கள். அப்போது சொறி மீன்கள் ( ஜெல்லி மீன்கள்) வரும், இவர்கள் மூவரும் மரத்திற்குப் பின்னால் மறைந்து கொள்வார்கள். பிறகு சொறி மீன்களை பின் தொடர்ந்து போவார்கள். அந்த மீன்கள் இவர்களை ஒரு பெரிய மரத்திடம் கொண்டு சேர்க்கும். அந்த மரத்தில் ஒரு கண்ணாடி மாளிகை இருக்கும். நமது சாரா அந்த மாளிகை அருகில் போய் எட்டிப் பார்ப்பாள். உள்ளே ஓர் அறை தெரியும். அந்த அறை சாரா அவளின் அம்மா அறைபோல் இருக்கும். அதில் ஒரு படுக்கை இருக்கும். அதில் சிறு சொறி மீன் ஒன்று இருக்கும். அதைப் பார்த்து " நீ யார்?" என்று சாரா கத்துவாள். அந்த மீன் திரும்பிப் பார்க்கும். அப்போது சாராவிற்கு விழிப்பு வந்து விடும். இது தான் அந்த கனவு. தினமும் இதே கனவுதான். இந்த கனவின் பின் இருக்கும் மர்மம் என்ன எ...

The Power of the Dog (2021) (Netflix) (தமிழ் அறிந்த பெரும் மக்கள் அனைவருக்கும் வணக்கம்.) (Spoiler Alert) இந்த திரைப்படத்தின் கதை ஒரு புதினத்தை அடிப்படையாகக் கொண்டது. புதினத்தின் தலைப்பும் , திரைப்படத்தின் தலைப்பும் ஒன்றேதான். கதை நடக்கும் காலகட்டம் 1925. குறிப்பாக மாட்டுப் பண்ணை உரிமையாளர்களாகச் சகோதரர்கள் இருவர். அதில் ஒருவர் ஜார்ஜ் , இரண்டாமவர் பில். இந்த பில் உக்கிரமான ஆசாமி. ஜார்ஜ் , ரோஸ் என்ற பெண்ணை மணத்துக் கொள்கிறான். அவளுக்கு ஒரு மகன் ஏற்கனவே இருக்கிறான். அவன் மருத்துவம் படிக்கிறான். அவன் பெயர் பீட்டர். இந்த இடத்தில் பில் , ரோஸை ஒருவகையான மிரட்டல் தொனியில் கையாளுகிறான். அதாவது உளவியல் ரீதியாகச் சீண்டுதல் எனக் கொள்க. பில்லின் இந்த போக்கு என்ன முடிவைத் தொட்டது என்பதுதான் இந்த திரைப்படத்தின் மீதி கதை. முதல் விஷயம், மார்வெல் துரித உணவகத்தில் டாக்டர் ஸ்டேர்ஞ்சாக நடித்திருந்த பெனடிக்ட் கம்பெர்பாட்ச் தான் பில் லாக நடித்திருப்பார். கதாபாத்திரத்தில் கச்சிதமாக இருப்பார். வேகமாகப் படம் பார்க்கப் போகலாம் என்று நினைக்கும் ☺️ மார்வெல் பிரியர்களுக்கு ஒரு எச்சரிக்கை நீங்கள் நினைக்கும் அதிர...

வணக்கம் நண்பர்களே!  காமிக்ஸ் அல்லது சித்திர கதை வகை புத்தகங்களின் மீது குழந்தைகளுக்கு அலாதி பிரியம் உண்டு. என் சிறு வயதிலும் ராணி காமிக்ஸ் எனக்கு பிடித்தமான ஒன்று. பிறகு கொஞ்சம் , கொஞ்சமாகத் தமிழில் வெளிவரும் பிற காமிக்ஸ் நிறுவனங்களின் கதைகளும் எனக்குப் படிக்கக் கிடைத்தன. குறிப்பாக லயன், முத்து நிறுவனத்தின் காமிக்ஸ் கதைகளைச் சொல்லலாம். இப்போதும் லயன் , முத்து காமிக்ஸ் நிறுவனம் உயிர்ப்புடன் இருக்கிறது என்பது மகிழ்வான விடையம். டெக்ஸ் வில்லர் தொடங்கி லார்கோ வரை பல ஐரோப்பிய காமிக்ஸ் கதைகள் இவர்களால் (லயன், முத்து) நமக்குப் படிக்கக் கிடைக்கிறது. இருந்தும் நம் காமிக்ஸ் தாகம் அடங்குவதாகத் தெரியவில்லை. அதனால் என்னால் முடிந்த சிறு பணியாக "Public domain" காமிக்ஸ் கதைகளை மொழிபெயர்ப்பு செய்து இந்த தளத்தில் பதிவேற்ற எண்ணம் கொண்டுள்ளேன்...  இந்த முயற்சியின் முதல் கதையாக  Dell publishing நிறுவனத்தின் Tonto (டான்டூ) கதை ஒன்றை மொழிபெயர்ப்பு செய்துகொண்டு உள்ளேன். மாதிரியாக ஒரு பக்கம் உங்களுக்காக… மாதம் ஒரு கதை என்பது என் இலக்கு.  நான் உங்களிடம் எதிர்பார்ப்பது உங்களின் ஆதரவ...